Общение. Встречи. Воспоминание.

Білім алушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қатынасты тәрбиелеу мақсатында 2020 жылдың 14-16 қыркүйегі аралығында қашықтықтан «Табиғатты аяла» жас өлкетанушылар, экологтар мен табиғат зерттеушілерінің Республикалық форумы өткізілді. Форумның қорытындысыбойынша Шығыс Қазақстан облысының командасы жалпыкомандалық 3 орынға ие болды.

Шығыс Қазақстан облысы білім басқармасының «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы «Рухани жаңғыру» қоғамдық сананы жаңғырту бағдарламасын іске асыру аясында 2020 жылғы 10 қыркүйекте Өскемен қаласында «Ақ шағала» республикалық хореографиялық фестиваль-байқауының облыстық қашықтық кезеңін өткізді.

2020 жылғы 10 тамыздан 25 қыркүйекке дейін Шығыс Қазақстан облысында «Қауіпсіз мектеп ортасы» республикалық акциясы бастау алды, ол балалар мен ата-аналарға және қоғамға үйдегі, қоғамдағы, ғимараттар мен білім беру ұйымдарындағы және оның аумағындағы қауіпсіздік ережелерін еске салды.

2020 жылдың 21-29 тамызы аралығында Өскемен қаласындағы дарынды балаларға арналған облыстық мамандандырылған «Білім-инновация» лицейінің 11 сынып оқушысы – Искендиров Алмас Қазақстан Республикасының ұлттық құрамасының құрамында алғаш рет қашықтық түрінде өткізілген Еуропалық географиялық олимпиадасына қатысты.

Шығыс Қазақстан облысында Ұлы Абайдың 175 жылдығына орай 2020 жылдың 23-25 тамызында Шығыс Қазақстан облысының жалпы білім беретін оқу орындарының оқушылары арасында XXI Республикалық Абай оқуларының республикалық кезеңі өтті.

Семей қаласындағы физика-математика бағытындағы Назарбаев Зияткерлік мектебінің қос шәкірті 2019-2020 оқу жылын АҚШ-та оқып келді. Эльжана Оралғазиева, Камилла Ильяшева есімді оқушыларымыз мұхиттың арғы бетіне Future Leaders Exchange (FLEX) бағдарламасы бойынша барған.